pi'e naunro'i cu zmadu xamgu
.i ta na nanmu .jeku'i ta rokci

lo'ai xamgu sa'ai drani le'ai u'u

.i ku'i zo naunro'i cu na melbi mi .i .ia zo roknau cu banzu frili te jimpe .i lo se pixra cu rokci .i lo go'i cu na nanmu .i ku'i lo go'i cu roknau .i no roknau cu nanmu .i je ku'i ro roknau cu nanmu simsa se tarmi .i lo lujvo cu .e'a gismu drata se smuni .i .ei pe'i lei gismu smuni cu na te pinfu

.mi za'adai tolcertu nintadni .i mi pu pensi ledu'u lo lujvo se zbasu fi lo tanru mu'i lenu zmadu bo tordu je se pavysmu gasnu

.i cafne je xamgu fa lo nu lo lujvo cu mutce lo ka smuni simsa lo veljvo tanru .i frili te jimpe .i'e .i ku'i da'i ro .e'i seljvo cu mutce simsa lo veljvo tertau smuni .i va'o lo za'i go'i kei lo nu finti lo lujvo lo cnino sidbo cu na se kakne .oi ro'e .i ma'a nitcu lo nu kakne lo nu finti lo lujvo ro ba'u cu'i sidbo .i ni'i bo curmi lo nu veljvo smuni drata

ni'o zo nikyge'u ji'a mupli .i so'a nikyge'u cu na gerku .i zo xajyfi'e ji'a (to zoi zoi "porpoise" zoi toi) mupli .i no xajyfi'e cu finpe

.u'u lo'ai sidbo sa'ai se sidbo le'ai